הדרן עלך וסליקא לה מסכת ברכות / הרב פנחס וויליגער

ברכות סד ע"א

הדרן עלך וסליקא לה מסכת ברכות

מס' ברכות (דף ס"ד ע"א) אמר רבי אלעזר אמר רבי חנינא תלמידי חכמים מרבים שלום בעולם שנאמר וכל בניך למודי ה' ורב שלום בניך אל תקרי בניך אלא בוניך שלום רב לאוהבי תורתך ואין למו מכשול יהי שלום בחילך שלוה בארמנותיך למען אחי ורעי אדברה נא שלום בך למען בית ה' אלקינו אבקשה טוב לך ה' עוז לעמו יתן ה' יברך את עמו בשלום.
 

מסכת בניך

די בעל ערוך לנר (הרה"ג יעקב יוקב עטלינגער ז"ל) אין זיין ספר אויף מסכת יבמות ברענג צו א רמז נפלא אז עס זיינען דא פיר מסכת וואס ענדיגען זיך מיט די מאמר חז"ל וואס איז מרומז אין די ראשי תיבות פון דאס ווארט בניך, ב'רכות נ'זיר י'במות כ'ריתות, מס' ברכות איז צו מרמז זיין שלום בין אדם למקום, מס' נזיר שלום בין איש לאשתו, ווי די גמרא זאגט הרואה סוטה בקלקולה יזיר עצמו מן היין, מס' יבמות איז שלום בין אדם לחבירו ווי עס שטייט מאן יבמי להקים שם לאחיו וכו', און מס' כריתות איז שלום בינו לבין עצמו שלום מיט זיך אליין.
 

שלום ביי זיך אליין

מען קען אפשר צולייגען צו דעם אז דאס וואס די גמרא זאגט אל תקרי בניך אלא בוניך קומט דאך צו א ו' אין דאס ווארט בניך, איז וואס קומט דאס ו' מרמז צו זיין, נאך מיר ווייסען דאך אז די אות ו' קומט מוסיף זיין על הראשונות. אז א מענטש זאל וויסען אז אויב ער פירט זיך אויף ווי די רבונו של עולם וויל יאמאלט זאל ער זיכער זיין אז ער וועט האבען שלום בין איש לאשתו אין בין אדם לחבירו אין דאס עיקר שלום בין איש לעצמו.